المشاركة الأصلية كتبت بواسطة magd131
السلام عليكم اخي الكريم كلامك صح وانا بحب اضيف حاجه صغيره بالنسبه للحراره
زيت نقل الحركه او transmition oil بيتحمل حراره حتي 120 درجه مؤويه وبعد كده بحصل فوران وده الي بيغير خواص الزيت ويتغير لونه من الاحمر الي الحمر الغامق وفي بعض الاحيان بيسود لونه وده معناه ان طبقه الاسبستوس التى توجد علي سطح الكلاتشات اتحرقت بس الحراره بتعلي في الفتيس الاتوماتيك في حالة نقص الزيت او وجد عطل في دائرة loke up ودي فكرة عملها بتعمل علي التصاق الكلاتشات ببعض مما يعطي قوه اكبر وعدم حدوث احتكاك لان الاحتكاك بيسبب الحراره و تاكل سطح الكلاتش وكمان بتعمل علي تغيير النقله من اول الي ثاني ومن ثاني الي ثالث ومن ثالث الي رابع وبتعتمد علي سرعة دوران المحرك يعني عند 3000دوره في الدقيقه يتم تغير النقله مباشرة واعتقد ان احسن نوع زيت هو توتال لانه درجه لزوجته اعلي شويه من موبيل وكمان مخصص للبلاد الحاره
|
وعليكم السلام ورحمة الله وبركاته
حقيقى يا أستاذ : محمد
الفتيس الأوتو كمنظومه ميكانيكيه معقد جدا
سواء فى تصميم ال valve body ( إللى بيقولوا عليه الخريطه ....وصدقوا بالفعل
لما سموه بالخريطه لأنه ملعبك زى الخريطه تماما )
قصص كبيره
حارات وممرات وسولونيدات بتفتح وسلونيدات بتقفل للتحكم فى مسار الزيت لمرحلة
تعشيق معينه
عامل أيضا .....شبه لعبة السلم والثعبان
دا غير تقسيمة مجموعة التروس الكوكبيه وطريقة تقسيم مراحل النقل المختلفه
بس جزئية ال loke up
أنا حقيقى لم أتعرض لها نظريا من خلال أطلاعى على شروحات الفتايس الأوتو
وحاسس كده
أن فيه حلقه مفرغه
فأنا لا أقصد أن الأحتكاك والأنزلاق موجود فى أى لحظه والفتيس شغال
واللوك أب .....بيتغلب على هذا الأنزلاق أو الزحلقه
لأن مينفعش وأنا بأنقل معتمدا على الكلاتشات يكون فيه أى تفويت أو أنزلاق
أنا كل كلامى من أحتمالية حدوث تزرير لطبقة التيل أو الأسبستوس ( ذو النوع الخاص )
فعملية فرك طبقة التيل بتكون فقط فى
أول لحظه لتعشيق كلاتش معين
وبمجرد حدوث التعشيق
بيصبح ورق الكلاتش كأنه جزء واحد ( زى مابيحصل مع الدبرياج العادى )
وعلى هذا أعتقد أن ظاهرة اللوك أب
تختلف عن ماوضحت حضرتك
وعزرا على كلامى هذا
إن لم يكن مستساغا
والمقصود فقط
هو وضع اليد على حقائق الأمور
وطبعا أنا معك
فالزيت بتتغير خصائصه مع التشغيل وبيتحول من اللون الأحمر الفاتح
إلى الأحمر الداكن بعض الشىء مع مرور الوقت
وطبعا لما بيسود الزيت .....بنقول الفتيس خلاص فوت
وبحاجه لتغيير ورق الكلاتشات
كما تفضلت وبينت