رد: طلاب من الكليه الحربيه يقذفون قسم 15 مايو بالحجاره و يكسرون عربه المأمور
يمكن تكون في رواية تانية للحدث أحكيها
إبن المأمور عاكس بنت طلعت أخت طالب في الكلية الحربية فطالب الكلية الحربية راح يتخانق مع إبن المأمور
إبن المأمور إستنجد بأبوه اللي عمل الواجب وأخد الطالب في القسم وضربه وشتم الجيش
أبو الطالب جه وشاف إبنه مضروب فبلغ زمايله
الجيش وصله الموضوع وخرج الطلبه لتأديب المأمور وتكسير القسم
القسم كان في 11 واحد بس من قدره المأمور السيء إنه كان منهم
الطلبة كسروا القسم وضربوا المأمور وضربوا من في القسم وطلعوا المساجين
عساكر هربت وظباط إضربوا وإتنقلوا لأقسام أخرى
تاريخ قسم مايو مش كويس من حيث الظلم اللي بيحصل لناس مثال كان في عامل طالع في أمان الله البوكس أخده ولفقله قضية سرقة
المأمور باني فيه على شقة , تيجي إزاي دي؟! الشقة اللي ساكن فيها مفروض إنها شقة في منطقة تقسيمها شقتين فوق بعض تسمى الفلل في مجاورة 8 بمدينة 15 مايو قام المأمور طلع بالشقة دورين زيادة فقفل تماماً على جار أخر , مش كفاية لا كمان أخد من المنطقة اللي حواليها مساحة كبيرة وحط سور عليها , مش كفاية لا حط كلب حراسة في قفص كبير قدام الفيلا أقصد الشقة اللي طالعة بالمخالف
مش مع ظلم الشرطة والمأمور وظباط قسم مايو
التعديل الأخير تم بواسطة eng.urea ; 19-03-2009 الساعة 02:35 AM
|