صفارة مع الفرامل النترا 2011
يا ريت يا جماعة حد يفيدنى النترا 2011 اوتوماتك من غبور دلوقتى عاملة 2100 و بمشى بيها داخل القاهرة ما سافرتش الا مرتين و اساسا سواقتى هادية
اولا
قبل صيانة ال 1000 : العربية ناعمة جدا و مالهاش صوت لكن التكييف حبيت اجربه ما حستش انه تلاجة مع انى من النوع اللى بيبرد من اقل حاجة
اما بعد صيانة ال 1000 : صوت العربية بقى اعلى بطريقة ملحوظة و برضه بقت العربية تقيلة شوية فى السحب و مش ناعمة فى السواقة زى الاول
اما التكييف اشغله و برضه نفس النتيجة و احيانا اكون عرقان
مع العلم انى قلتلهم وقت الصيانه بس كشفوا بالجهاز على كله و قالوا التكييف كويس
ثانيا
حاليا ابتديت اسمع صفارة خفيفة جدا جدا و انا قايم بيها يعنى و هى ماشية على الهادى جدا جدا جدا فى الطلعة الاولى بس مجرد ابتدى امشى خلاص بيبقى مافيش صوت
و الصفارة دى مش دايما اسمعها ساعات ساعات ش منتظمة و متقطعة
العربية معايا من شهر يوليه 2010 و قالولى فى الصيانه لما تغسليها ما تغسليش الموتور يعنى من الاخر الكبوت ما يتفتحش وقت الغسيل و برضه ما اغسلهاش من تحت
عنى لو حبيت اغسل يبقى بودى و هوفر من الداخل و الخارج
دى كل البيانات
ممكن حد يقدر يفيدنى فى المواضيع دى كلها
|