رد: ارجو الافادة اليوم ضروري لو سمحتم لانسر 2010 1600 سوبر اكشن
اهلا ً بحضرتك
سأحاول الاجابة على قدر معرفتى فمعى لانسر 2010
1 - بالنسبة للفتيس انا دايما شغال اتوماتيك وشايف انة ممتاز مع وجود ميزة انى ممكن اشتغل مانيوال وكنت احيانا لما بحاول اعدى عربية وانا على سرعتى انقل ( اثناء السير ) على المانيوال واسقط غيار ودة بيدى عزم للموتور اعلى و لكن اتقلى فالتوكيل ان دة غلط لان لا قدر الله وحدث اى خطأ او خلل للحظات بجهاز الكمبيوتر الخاص بالسيارة فمن الممكن دة يعمل مشكلة
والخلاصة ان الفتيس تشغيلة فى منتهى البساطة وممتاز
2 - موضوع الافضلية للبومة عن الشارك فكل معلوماتى هى سمعية وليست تجربة شخصية وتؤكد الافضلية للبومة ولكن نعلم ان موتور الشارك 1500 اما البومة 1600 وهذا يؤكد الكلام
3 - موضوع اللون اختيار شخصى ولكل لون عيوب ومميزات
فكانت معى سيارة فاتحة اللون فكان اى خربوش بسيط بيظهر لان البطانة كانت غامقة
اما الان فجبت لانسر فيرانى فبرضو اى خربوش بيظهر لان البطانة فاتحة اللون !! حاجة غريبة
مع ملاحظة ان الغامق خصوصا ً الاسود والفيرانى تظهر بة الاتربة بسهولة وان كان اختيارى هو الفيرانى
و فى النهاية ربنا يوفقك للاختيار الافضل
|