رد: انا حجزت فيرنا ستار وهستلمها كاملة منيوال اية رايكو
يا جماعة ماتيجى نختلف بس نلتزم بأدب الحوار الراجل قال رأيه وهوا معاه العربية زى ما بيقول وده طبيعى لان أنا ممكن يبقى معايا عربية وأشكر فيها وحضرتك معاك نفس موديل السنة وتذم فيها وده طبيعى لأن المحافظة والصيانة الدورية وطبيعة الطرق اللى كل واحد بيمشى عليها بالعربية وأختلاف الشخصية < يعنى ممكن أسمع صوت مختلف ظهر فى عربيتى وأطنش لكن لو حضرتك سمعته بتفضل وراه لغاية ما تحله> فبلاش نهاجم الناس ونحجر على ارائهم ولكن نسعى لاقناع الاخر بما أنا مقتنع به..............وعن رايى فى الفيرنا :-
1- موتور فوق الممتاز
2- عفشة جيدة
3- شكل عام جيد وأبعاد العربية ممتازة والواحد هياخد على سوقتها على طول
4- أرتفاع سعر أعادة البيع - يعنى فلوسها فى جيبك لو حبيت تبيع فى أى وقت
5- رخص قطع الغيار وأى ميكانيكى هيفهم فيها بعد أنتهاء الضمان
ويبقى العيب الوحيد للفرنا من وجهة نظرى وهى أنها واطية على الأرض لكن لو حضرتك مش هتحمل ميبقاش عيب بالنسبة لك - على فكرة كل العربيات الرياضية والهوندا سيفك وعربيات تانية كتير أغلى من الفيرنا بكتير - كلهم واطين وقريبين ع الأرض-
وعن نفسى أفضل الفيرنا على الانوس واللوجان والسيارات الصينى
|