السلام عليكم
من حوالي خمس سنوات اشتريت سياره لانسر 1300 "98 من تاجر معرفه و فيه صلة قرابه قويه المهم اشتريتها ب 53500جنيه وقالي انا عامل معاك واجب والكلام الفاضى ده المهم كانت العربيه بتحدف جامد وبالاخص علي فواصل الكبارى قولت له العربيه بتحدف قالي العيب من الطرق رحت عند عفشجي صحبه قالي العربيه سليمه مفيهاش حاجه رحت لعفشجى تاني قالي العربيه دي مخبوطه من ورا و القنطره معوجه و الركبه الاماميه الشمال معوجه وتقريبا السياره دي مقلوبه لان السقف مش منتظم فيه عالى وواطي وواخد كميه معجون كبيره ولما فتح الباب الي ورا لقي الداير بتاع الباب عليه مكان استعدال و الشنطه من تحت الفرش فيها لحامات واضحه جدا و الصدمه انى كنت فاكر ان العربيه glx طلعت gl و التابلوه متغير مش بتاعها لان الgl بتنزل 1300 والglx بتنزل 1500 وطبعا العربيه بعد ما شربتها قولت اصلحها و امرى لله صرفت حوالى 7000 جنيه علي السمكره و الدوكو والعفشه وتقريبا اتظبطط 70% ولما جيت ابيعها بعتها ب 30000 جنيه لان مشاكله واضحه جدا لانى مغيرتش السقف و الشنطه بس غيرت العفشه وسمكره من بره ودوكو
والحمد لله محدش بيتعلم ببلاش نصيحه يا اخوانى احزرو من التجار المعرفه
