[sh_masry]

السلام عليكم

بأختصار شديد معايا الانترا 2006 من الزيرو و العربيه بصراحه تحفه , بس من يومين لاقيت الخزنه الفيبر بتاعت الرادياتير اتشرخت و طبعا بتبخر مياه .... المهم رحت لبتاع الرادياتيرات و نصحنى بتغيير الخزنه الفيبر دى و فعلا غيرتها عنده بس ماكنتش مطمن لصحه تغييرها و هل هاينفع الرادياتير بعد كده و طلعت من عنده على توكيل هيونداى و سألت على الرادياتير الأصلى للعربيه و لقيته ب 1385 جنيه شامل الضريبه و سألت عند حد بره و لاقيت رادياتير كورى ب 550 جنيه و فعلا حصل اللى كنت متوقعه المياه بتتبخر من الرادياتير لأن الخزنه مش محكومه زى بتاع الفابريقه و بتسرب بخار مياه الرادياتير ....... فمحتاج النصيحه هل يستحسن اركب الأصلى (و بالذات انى بهتم جدا بالعربيه و اى مسمار بيتغير بجيب الأصلى بتاع الهيونداى بتاع التوكيل و ان كان بجيبه من بره التوكيل لرخص سعره بس بيبقى الأصلى 100 % و لكن الرادياتير مش لاقي فى المحلات الأصلى زى بتاع التوكيل و انما الكورى بس مش هيونداى) و طبعا فى الأخر برده انا مش ضامنه و ممكن يكون صينى و مكتوب عليه كورى ..... فياريت النصيحه اجيبه من التوكيل و اتكل على الله وللا ادور عليه مستعمل استيراد وللا اغير للكورى اى ان كان وللا ايه الحل ؟؟؟؟
و لو حد يعرف محلات قطع غيار بتبيع الأصلى و لكن ارخص من التوكيل زى نافع كده - بس للأسف نافع بتاع شارع دمشق مش بيرد على تليفوناته و انا فى الأسكندريه اليومين دول و مش عارف محلات بتبيع الأصلى .

ارجو الأفاده !!!