رد: قطع غيار البونتو
أنا اتفق معكم علي انها عربية شيك و شبابية و ....
و لكن نصيحة لوجة الله تعالي انسي العربية دي و شيلها من دماغك احسن
أنا اعرف واحد صاحبي كان شاريها علي الزيرو موديل 94 و ابتدت تشتغله في الازرق بعد 7 سنين فقط من شراؤها بالرغم من انه من النوع اللي بيصرف كويس و استخدامه فوق الممتاز
فبعد 7 سنين من شراءها كانت عاملة 80 الف كم و فجأة في الصيف ابتدت تسخن فوق المعدل الطبيعي (مع العلم بانها لم تكن مكيفة) و داخ بيها صاحبها علي الصنايعية و كل واحد يفتي و صاحبنا يدفع و مفيش نتيجة و اخر لما زهق وداها التوكيل و صرفت عليه في حوار السخونية ده حوالي 7000 ج
و في يوم وهوه بيحط بنزين تقريبا يظهر كده ان غطاء التنك لم يقفل جيدا او اتنسي علي سقف العربية او اتسرق بعد ذلك الله اعلم ، المهم انه ضاع و داخ صاحبها السبع دوخات علشان يشتري واحد جديد مفيش فايدة حتي في التوكيل و حتي بتوع الاستعمال و الاستيراد و كان الاختيار الوحيد تغيير التنك بالكامل و بحوالي 3000 ج
ناهيكم طبعا علي ان زبونها عزيز جدا ، سعر اعادة البيع المتدني لها
طيب ليه العذاب ده
انا افضل الابيزا عنها بالرغم من ان قطع غيارها غاليه شوية بس عربية ركوبة و بياعه و كمان حاجتها موجوده
__________________
سبحان الله و بحمده سبحان الله العظيم عدد خلقه و رضا نفسه وواسع رحمته و زنة عرشه و مداد كلماته
الحمد لله و لا حول و لا قوة الا بالله و الله اكبر عدد ما كان و ما سيكون ملئ الفراغ و ملئ السكون
|