رد: سؤال في تعديل ال١٢٨
مفيش كلام يتقال بعد كلام خبير خبراء الفيات فى المنتدى بجد 10/10 يا حازم ptmnlo123per112
بس اسمحلى اضيف نقاط بسيطة تاكيداً على كلام حازم
اولاً اهم اهم اهم حاجة تعدل الشاسية
وتقوية ببارات فى الحوض
وممكن فى الشنطة الخلفية كمان
وممكن بشدادات من تحت بدام هتركب موتور اعلى
فيه ناس بتصب رصاص على علب الشاسية او الومنيوم لرفع صلابتها
تظبيط القواعد وتقويتها
ثانياً العفشة
عليك وعلى مونرو وتجيب طقم مساعدين وسوست جديدة بدام عايز تعمل حاجة صح
لان الموتور الجديد هيبقى اتقل وعزمة اقوى وده كله هياثر على ثبات العربية وتوازنها فلازم مستوى التعليق يبقى على اعلى مستوى
ثالثاً بالنسبة للمواتير
افضلهم وانسبهم الانشيا 1300 وده 70 حصان وبينزل معاه تكييف
فيه طبعا ناس بتركب اعلى من كده (زى موتور الريجاتا ال 1500 وده اشهر المواتير فى تسقيط ال 128 او الاونو التربو او الانشيا ال 1600 ) بس انا شايف ان ده المعقول علشان متحتاجش لعب كتير فى الشاسية والعفشة
رابعاً الفرامل
بدام العزم وقوة الموتور زادت لازم الفرامل تكبر هى كمان فهتركب فرامل ريجاتا علشان تتناسب مع قوة الموتور
خامساً الثبات
اصلا ال 128 مش ثابتة فمابالك لما تزود موتورها
فلازم زى ماقولنا تغير المساعدين والسوست بحاجة سبور وافضلهم مونرو
وكمان توطى العربية
وتركب بدى كيت (عتب وكساحات وسبيولر علشان الثبات والايرودينامكس مش شكلاً بس )
وتركب كاوتش عريض ورفيع وديه مهم جدا وطبعا نقشتهم سبور
مع جنوط سبور اندونيسى على الاقل وخليك فى 13 حلو او بالكتير 14 لو هترفع الكاوتش جامد 50 مثلاً
سادساً تظبيط الكهرباء
ترمى الابلتين والكوندنسر اللى فيها وتجيب حاجة نضيفة
بوجيهات نظيفة برضو بالاسلاك بتاعتها
الكرابراتير والموبينة لازم يبقى نظاف واسمع ان فيه موبينة روسى بتشتغل لو الدنيا تلج حتى
سابعاً تعديلات سوبر سبورت
فيه ناس بتغير الكرابراتير بنوع بفتحتين علشان تدى تغذية اكبر وبالتالى اداء رياضى افضل
فلتر سبور
نظام عادم رياضى (ديفل)
بساتم وكرنكات سبور بس منصحش باللعب ده هنا فى مصر
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|