[mialbedewy]

السلام عليكم
احنا عندنا تاكسي بس مش من القاهرة واحب اقول اننا اشتغل معانا سواقين كتير منهم اللي مش تمام ومنهم من هو في غاية الاحترام والاخلاق ومنهم الانسان البسيط اللي بيزود دخلة بطريقة مشروعه فمش لازم يا جماعه نحكم علي كل سواقين التاكسي انهم ناس مش ولا بد
وكمان ممكن نلتمس ليهم العذر في انهم طول النهار علي الطريق الزحمة والحر علي فكرة شغلانة السواقة دي من اكتر الشغلانات ارهاقا ده مش هزار خصوصا في العربيات المتهالكة السواق بيرجع آخر النهار مش شايف قدامة وعايز يترمي علي اي كنبة ولا سرير
وكان حصلنا موقف من اسبوع تقريبا وهي ان التاكسي كان بيطلع مطب معروف لكل الناس في المكان ده فمرة واحده قامت واحده ست خبطت من ورة كانت جاية مسرعه وشكل معهاش فرامل فكسرت الفانوس الشمال وتقريبا وقعت الاكصدام وخبطت الرفرف جامد وهب مرة واحد السواق لقاها جريت فجري وراها وجابها بعد مسافة بسيطه فاتصلت باخوها وشغلناتها هي واهلها شغلانات حساسة المهم اعتذرت ودفعت حق السمكري وابويا دفع حق الدهان بس تخيل ان واحده زي دي كانت ممكن تقتل واحد وتجري برضه
---------------------
وموقف تاني حصل كنت راكب مكروباص داخلي والطريق كان زحمة فالمكروباص يدوبك لمس عربية اوبترا قدامة محصلهاش اي حاجة اطلاقا فلقينا واحد وابنه تقريبا فتوات نازلين وبيقولو للسواق انت بتشتم ليه مع ان السواق رغم انه شاب بس شكلة محترم لا شتم ولا نيل وعوروه ببوكس وهو لسه منزلش من العربية وكانو شايلين خنجر والناس اتلمت ورغم ذلك كله نزلهم بعد شوية وراح يوضحلهم انه مشتمش