رد: هل اوبل فيكترا السيارة المناسبة؟
السلام عليكم
أنا لسة بايع الأوبل فيكترا الألمانى 1600 GLS مانيوال موديل 1996 بتاعتى من كام شهر بعد عذاب طويل مع الميكانيكية والكهربائية وتوكيل منصور وتوكيل مقار وبتوع التكييفات وبتوع قطع الغيار والدنيا كلها ... بأختصار تجربة مريرة مع أفشل عربية سواء من رأيى أو من رأى الألمان نفسهم.
- قطع غيار جديدة ناااااااااااااااااااااااا ااااااااااار وكلها مضروبة
- قطع غيار استعمال ناااااااااااااااااااااااا اااااااار ومالهاش ضمان
- التوكيلين بيرفضوا أى سيارة ميكانيكى أو كهربائى خارجهم مد أيدة فيها
- التوكيلين أسعارهم ناااااااااااااااااااااااا ااااااااار وخدمتهم سيئة جدااااااااااااااااااااااا اااااا
- العربية مبتستحملش وطول النهار هات يا طلبات ... من السنة السادسة
- التكييف بيبوظ ومهما صلحتة بيرجع يبوظ تانى ... لفيت على طوب الأرض ومافيش فايدة
- كل من اشتغل فى الشركة كام شهر أو كام سنة طلع وفتح ورشة وقال "أنا اللى علمت الخواجة بتاع الأوبل" وكلهم مبيفهموش حاجة لا فى الأوبل ولا فى غيرها
الله يكون فى عون كل من معاة فيكترا. أنا بعتها بتراب الفلوس لأن مالهاش سوق كمان وأشتريت أوكتافيا A4 ربنا يحميها ويحمى اللى صانعينها وأترحمت من الفيكترا.
روح هاتلك أجدع بيجو 405 فرنساوى أو مصرى -مش ايرانى- بالتمن وأنفد بجلدك من الفيكترا.
هشام باهى
|