رد: ياريس ولا النترا
شكرا ليك علي ثقتك يا استاذ مشاكس.
بصراحه انا حاليا لا ارشح الياريس نهائي بسبب تمنها المبالغ فيه
لما كنت بشتري الياريس كنت جايبها هاف اوبشن مانيوال ب 83 الف
و كانت الفول اوبشن مانيوال ب 88 الف و استخسرت فيها فرق ال 5 الاف دول علشان
سنتر و زجاج كهربا و شويه حاجات عبيطه كده.
يبقي دلوقتي لما يوصل تمنها ل 98 يبقي حرام بجد ان الواحد يشتريها
تمنها مبالغ فيه جدا المبلغ دا يركبني عربيات كتير
عندك ممكن تجيبي سيات كوردبا خليجي ب 90 الف فول اوبشن و تقفيل اسباني
او فولكس بولو سيدان من التوكيل بس تقفيل صيني لكن محترمه بنفس التمن
او فيات لينيا فول اوبشن تقفيل تركي و محترمه و شكل خرافه ب 90 الف
او فيات جراند بونتو ب 95 الف و تقفيل ايطالي و عربيه محترمه اوووي
و غير كده شوفي الالنترا الخليجي و مافيهاش اللعب اللي التوكيل بيعمله في العربيات اللي هنا
ما انكرش ان الياريس حلوه و كل يوم بتعجبني اكتر من اليوم اللي قبله
لكن برضه فيها كان نقطه مضيقاني اجلا او عاجلا ححلها
لو كانت بنفس تمنها كنت رشحتها ليكي انما تمنها عالي
__________________
حـازم خـضـر
|