فلتر الهواء الرياضي وعلبه الشكمان يتلفو المحرك بطريق غير مباشر
السلام عليكم
يوجد نوعان من فلترا لهواء الرياضي:
1-نوع صيني (وده بيبدأ من 50 جنيه)واغلبه ليس له فائده الا عمل صوت عالي اثناء دوس البنزين. وهذا يحدث نتيجه ان فتحاته ومسامه واسعه جدا والدليل على كده انك لو فكيت فلتر الهواء تماما هتسمع نفس الصوت. الفتحات الواسعه ده بتدخل رمل واتربه حجمها كبير .والرمل ده بتدخل مباشره على غرفه الاحتراق وتترسب في الشنبر. والي بدوره طالع نازل بيسنفر الشميز والمحرك يحتاج عمره في النهايه.
2-نوع فعال وده بيزود الحصان بتاع المحرك فعلا .ولاكن بيخليك لا ارادي بتدوس على البنزين بشده وبتحرق على الغيار جامد والعربيه بتسحب فعلا وانت مش واخد بالك من الrpm انه عالي جدا لانك مش سامع صوت المتور الي بيتحرك لكن سامع صوت الفلتروالشكمان وبس و الي بيكونو هم بدورهم عاجبينك جدا.
وبالتالي المتور بيتلف.
انا ركبت الفلتر الملعون ده اسبوع وبعدين اخدت بالي من الي بيحصل و فكيته تاني ورميته ..خلو بالكو العمره مكلفه والمتور مش بيرجع تاني زي الاول
|