رد: احترس..... سرقة كفة المراية !!!!
المشكله ان زمان كانت سرقة فردية لكن دلوقتى فية عصابات بتسرق المرايات و بتعيد بيعها
و انا اتسرقت مرتين فى اسبوع و اتسرق الشارع بتاعى كله
و واحد صاحبى قاللى ان ده حصل فى الشارع اللى ساكن فيه فى المقطم و ان الحراميه استخدموا ميكروباس فى السرقه عشان يقفوا جنب العربية من غير ما حد ياخد بالوا و سرقوا كل السيراتو اللى فى المنطقة
المشكله ان أكيد الشرطه عارفة كدة و الموضوع شبيه بموضوع السرقة بالاكراه و واضح انها سرقة منظمة و المفروض ان احنا فى حمايتهم بس هما مش فاضيين عشان الانتخابات و غالبا الحرامية بيستغلوا ده بالسرقه فى شكل هجمات على مناطق هما عارفين ان تأمينها ضعيف. و المشكله التانية ان غالبية اللى بيتسرق منه مرايه مابيعملش محضر و بالتالى الشرطة مش مدياها أهمية و عشان كدة من باب الامانه ان أى حد يتسرق منه مراية يبلغ عشان حتى لو خدوا بالهم يدروروا على العصابات دى.
انا وصلت بعد ما اتسرقت انى كنت بافك الكفتين و انا طالع البيت و كنت عايش فى رعب من اللى سمعتة على السرقه بالأكراه و الخطف
و المفروض ان اللى عنده ضمير مايشتريش المرايات اللى بيقف بيها عيال صغيرة فى الاسواق لان من الواضح انها هى دى المريات المسروقة و الحرامى لو مش بيلاقى زبون يشترى يبقى مش هايسرق اصلا
الأخطر كمان هوه سرقه الجنوط لان دى فيها كذا الاف
ربنا يسترها معانا و حسبنا الله و نعم الوكيل
|