المشاركة الأصلية كتبت بواسطة عظيمه
تسلم ايدك يا باشمهندس سام رام
بجد اسلوبك مميز ما شاء الله عليك والمعلومة واضحة وممتازة. انا كان محيرنى جداااااااااااا موضوع الكساحة اللى فى سيارات السبق التجارية مش الفورميلا واخيرا عرفت فايدتها.
وكان ليا تعليق بسيط ان فى بعض السيارات بتراعى مع الانسيابية المميزة فى الشكل
بتحافظ على ارتفاع منخض جدا عن الارض ومتهيألى دة بيحقق جزء كبير من المعادلة انه بيقلل مقاومة الهواء وكمان بيقلل من رفعة للسيارة.
لكن بيسبب مشكلة تانية فى انخفاض السيارة الملحوظ ومشكلة المطبات طبعا زى السيارة الالنترا(الصابونة)
|
الف شكر ليك يا استاذ عظيمه ... واتمنى ان الموضوع يكون مفيد لحضرتك
طبعا كل ما العربيه كانت منخفضه كل ما كان احسن من ناحيه الثبات ...
في السبعينات لوتس عملت عربيه للفورميلا وان باعتاب مرنه ( كساحات جانبيه ) .. كأنها سانده على الطريق بسوست تاخد و تدي مع الطريق ... وطبعا دي كان تأثير ال Ground effect قوي جدا ..
والفكره دي اتطورت و وصلت انهم عملو مراوح توربينيه تسحب الهوا من تحت العربيه
Brabham's BT46B used a large fan to reduce underbody air pressure.
وده عمل ثبات رهيب للعربيه وبقت بتدخل في المنعطفات اللي كل العربيات بتهدي فيها بسرعه عاليه جدا ولدرجه ان الطرد المركزي على السائق كان عنيف كأنه بيناور بطياره حربيه ...
والنظام ده لغيته اللجنه المنظمه واتمنع من كل سباقات السيارات لخطورته .. لأن لو النظام اتهز في لحظه ملف عنيف .... الثبات بيضيع تماما بسبب فقد ال Ground effect وده معناه خروج اكيد للعربيه عن المسار و فقدان تام للتحكم
لكن بيوضح اد ايه تأثير انخفاض العربيه على الثبات ....
وبالنسبه لتأثير ارتفاع العربيه على الانسيابيه اعتقد ان الانسيابيه مش مرتبطه بارتفاع او انخفاض العربيه .... وابسط دليل ان افضل عربيه اختباريه من حيث الانسيابيه عاليه عن الارض ومعامل الجر
0.15
لكن الاهم ان اسفل العربيه يكون انسيابي ... يعني سطح املس بدون بروز ...
والله اعلم ...
<?xml:namespace prefix = o /><o:p></o:p>