رد: انا حزين على الميجان
واحد صاحبى كان معاة رينو فلساتس و كان دايما يشتكى منها و يقول عربية ضعيفة و فى مرة و بدون اى مقدمات لقى السائل اللى داخل البطارية خرج لوحدة من البطارية و نزل على كمبيوتر العربية .. المهم خدنا العربية ( مرفوعة طبعا ) على التوكيل فى فرنسا و كانت المفاجئة قالوا مينفعش نغير الكمبيوتر لازم نغير الماتور كلة مع كل الدائرة الإليكترونية و الكهربائية و لقيناها هتتكلف اكتر من سعر العربية و على فكرة عارفين العربية عملت كدة امتى بعد انتهاء الضمان بأسبوع واحد فقط و دى اكبر مشكلة فى رينو ان كل جزء فيها متوصل على الكمبيوتر يعنى ممكن القطعة تكون سليمة لكن الكمبيوتر قرأ تاريخ انتهائها و بالتالى بيأثر على كل الاجهزة الالكترونية و يا سلام لو لمبة السيرفس فى التابلوة نورت و ماروحتش عندهم تلاقى حاجات كتير ملهاش علاقة بالموضوع بدأت تتعطل زى الراديو و الشبابيك و الاضواء الداخلية .. و نفس صاحبى دة فى مرة ضاع منة الكارت اللى بيدور العربية قعد ثلاث شهور على ما بعتلوا كارت تانى و كلفة حوالى ٣٥٠٠ جنية
|