رد: ليه بتحبو ال128 وبتكرهو الادا ؟
سلام عليكم
انا معايا لادا بس اتعلم القياده على 128
طبعا ال128 اسهل بكتييير فى المشى والركن وخلافه لكن ماتحسش انك راكب عربيه
اللادا سواقتها مقرفه لكن مع التعود هتبقى مش وحشه، وهى طبعا من جوه اوسع من 128 اذا كان من الكراسى الاماميه او الكنبه الخلفيه واللى يقول عكس كدا يبقى ماركبش لادا، بالنسبه للصاج هو فعلا ناشف وانا شايف ان دى ميزتها الوحيده (مره خبطت اتوبيس نقل عام من الاخضر الكبير يادوب الغماز بتاعى انكسر، عربيه تانيه كانت جابت رفرف وفانوس)
بالنسبه لموضوع الدريكسيون والبيض الحمد لله عربيتى لسه ماباضتش ..وربنا يسترها... العيوب الرئيسيه فى اللادا هى السخونه ومشاكل الكاربيراتير وضعف العزم لكن العفشه مش وحشه
من الاخر نصيحتى للى عايز يشترى يبعد عن اللادا وال128 ويجيب 131 او مازدا 323 احسن
معلش طولت عليكم، بالتوفيق للجميع
|