اولا بحب امسى على كل المنتدى ومنور يا حازم باشا وأخبار المقابلة إيه؟
بالنسبة لمقارنتك:
طبعااااااااااااااااا المازدا لانها كانت معايا بص يا استاذ كمال العربية در ولا كلمة ثبات على الطريق زى الطوبة مكلبشة ف الارض انا جبت بيها 160 على الدائرى ومش عايز اقولك الدائرى عليه مطبات هواء كتير بس بسم الله ماشاء الله ولا كلمة , وكمان طلعت بيها من بروتون ويرا اول وتانى وتالت مع انا كانت عربيتى 1300 ومكنتها 50/50
صالونها جميل وممكن نقول واسع نسبيا مريحة جدا ف السفر إقتصادية ف البنزين قطع غيارها موجودة وسعرها معقول و فى واحد تحت كوبرى الدقى مع شارع التحرير تقريبا إسمه محمد زيدان او حاجة كده مش فاكر بالظبط عنده كل حاجتها.
بس اهم حاجة اشترى اليابانى لأن فى كورى و يابانى وتكون سليمةوأهم حاجة الركبتين اللى حوالين الكبالن يكونوا سلام مش ملحومين وبالغطا الفبر بتاعهم
و تكون مكنتها مش مرشحة زيت.
أما البيجو معرفش عنها اى حاجة خالص و مبرشحهاش لنى مبحبش البيجو اصلا ليهم دماغ عكس الدنيا كلها.
و فى النهاية القرار قرارك وإسأل واحد واتنين وربنا يوفقك للى فيه الخير وانا ف الخدمة دايما.
