[مهند سالم]

بص يا سيدي مبدئيا أقولك وبصراحة اختياراتك جميلة وأنا بأحييك عليها، وأي عربية من الثلاثة دول تختارها صدقني بإذن الله مش هتندم، لأن كل واحدة فيها مميزات جميلة والمحصلة تقريبا واحدة.
البروتون عربية جميلة وشكلها مميز وشبابي وثابتة وموتورها قوي وسحبها حلو، يمكن عيبها توكيلها، مش مهتم بيها قوي، وخاماتها الداخلية مش فخمة.
النيسان عربية منتشرة وجميلة وثابتة وأداءها جيد وسعر إعادة البيع محترم، لكن عيبها إنها تقفيل محلي، يعني هتلاقي بعض الخامات الضعيفة وبعض عيوب التقفيل، لكنها بسيطة إن شاء الله وبتتحل في الصيانة.
الفيات أفخمهم طبعا، لكن موتورها أضعفهم، وإن كان أداءها جيد، لكن طبعا عيبها إنها أغلاهم في سعر قطع الغيار، وأقلهم في سعر إعادة البيع، ويمكن هي البروتون زي بعض تقريبا في سعر إعادة البيع.
عموما أنا لا أقدر أن أقرر أيهم أفضل مطلقا لأني لو مكانك فعلا هأحتار، وهأخلي مرجعي النهائي لاستخارة المولى عز وجل.
عشان كدة أنا بأحييك على اختياراتك وربنا يوفقك