[dr_eslam_66]

المشاركة الأصلية كتبت بواسطة khaledtawab انا معايا 2011 اوتوماتيك فيها العيوب التالية إسمحلي يا أ.خالد أختلف معاك في بعض النقاط. اولا السحب ضعيف في السرعات الاولى حتى مع عدم تشغيل التكييف أنا موافقك تماما في النقطة دي بالذات أنا كان ليا موضوع أول ما إشتريت العربية أكتر حاجة كانت مدايقاني قوي هيا السحب الضعيف. ثانيا العزل الداخلى للسيارة غير جيد على الاطلاق بص ياباشا دلوقتي إنتا لما تيجي تقيم بجيد وممتاز وسيء يبقى أنا أديها جيد جيد مش ممتاز أوك. لاكن الأفضل إنك تعرف إنتى بتققارنها بإيه الأول هل بـ فيرنا مثلا أنا شخصيا مايعجبنيش عزلها ولا إلانترى أحسن منها في العزل فعلا. كمان ياباشا العربية فلوس مقابل سلعة زيها زي أي حاجة إنتا بتشتريها دلوقتي إ،تا في المستوى السعري بتاعها ياباني فيه أحسن منها في العزل الداخلي؟ ثالثا حوووت بنزين متوسط إستهلاك عالي فعلا وخاصتا إني أوتوماتيك بس مش حوت ياباشا أ،ا لو بركبها كل يوم أو لو ماكنتش مسافر كنت هراجعك ياباشا بالإستهلاك بالملي داخل وخارج المدينة بس ملحوقة إنشاء الله نتقابل قريب ياباشا. رابعا العفشة ناشفة مع الحفر و المطبات العفشة كانت ناشفة وبدرجة غير ملحوظة قوي ودا على فكرة لحد فترة صغيرة قوي وبعد كدة ماقابلتش المشكلة دي خالص. خامسا توجد رعشة فى السيارة سادسا توجد زنة قوية تشعر بها تحت رجليك و خاصة فى دواسة البنزين وايضا تشعر بها فى السياره

أؤكدلك تاماما إنها مش ممكن تكون عيب في الموديل وفعلا فعلا لازم تراجع التوكيل لأني لا لقيت رجة والله ولا زنة.
وخلينا ياباشا نعرف إننا بنتكلم في عربية متقفلة في مصر ياعني النهاردة الواد بلية كان مزاجه حلو وهوا واقف في خط الإنتاج قام متوصي بالحتة الي كانت في إيده يومها وفي نفس اليوم تلاقي أم العيال إتصلت بيه وطلبت منه شوية طلبات كتير شوية ولا إدته كلمتين من المتنقي ياخيار قام مزاقة إتقل وقام مكلفت الحتة الي جت في إيده وراها وتلاقي بقى بلية ساعتها كان شغال بس مثل في تجميع حتة دواسة البنزين ولا بيشيك على العفشة مثلا فتلاقي عيوب طالعة من تحت إيده وإنتاجه مش منتظم.
بس في الآخر ياباشا خلينا نتكلم بهدوؤ وبعقل دلوقتي أنا عايز عربية عزل تمام عفشة تمام ماتور تماما ماركة ووكيل تمام صيانة ببلاش إتزان مافيش بعد كدة رفاهية تريحني عن البيت وفيالآخر ألاقيها ياباشا بـ 90,000
آه هما مش قليلين بس لو جيت وازنت سعرها مع العربية وبالمقارنة بالكوري وأسعاره الموجودة حاليا ولا الياباني بردو وأسعاره هتلاقيها عربية مش هتتكرر كل يوم فعلا.