رد: عايزة رأيكم
أشكركم جميعا على الردود الجميلة...
و مفيش داعي للخناق :-) ... أنا ما كنتش هاشتري الميجان حتى لو معايا ثمنها ، هي صحيح عربية نحفة و شكلها رائع و فخمة جدا" من جوة و كمان تمنها حلو اوي على كمالينها وكان عليها عروض كمان ( حتى سمعت انه كان في تقسيط من غير فوائد)... بس بيطلع فيها عيوب غريبة ( Air bag sensor, gear box) ... فرنسا بتعمل عربيات علشان تمشي في فرنسا بس ... زيها زي الستروين...
الهوندا سيتي عربية رائعة بس موديل 2007 أحسن في الكماليات من 2008 و كمان مش برده قطع غيارها غالية اوي؟
ياريس طبعا عربية تحفة و أحسن حاجة انها ياباني 100% بس 1300cc و انا مش متخيله Performance عربية full option & automatic و تكون 1300cc لو حد جرب يقول لي؟
الالنترا عجباني و كنت حاجيبها فعلا بس أسعارها غريبة جدا في المعارض لما سألت عن سعرها من يومين قالولي 120000 و في معرض تاني واحد قاللي 100000 بس خليجي و من غير ضمان و انا بصراحة مش عارفة الفرق قوي بالنسبة للهيونداي؟
كمان عايزة أسأل عن المازدا 3 أحد أقاربي كان جايبها في حدود 110000 بس مانيوال هي عربية جميلة جدا، بس أنا ماشفتهاش في المعارض ؟
|