رد: ايهما افضل سكودا 1994 أم شاهين 1993
اهلا بيك استاذ وليد
الفيليشيا عربيه كويسه ... فيها موتور الماني حمول ... تابلوه جميل .. وممكن تكون خشنه شويه ( مفيش باور ) لكن انعم من الشاهين ... و اكصدامتها و صاجها محترم جدا
كانت معايا و وقفت في اشاره وواحد خبطني من ورا بشاهين ... محصلش للفيليشيا اي حاجه ( الخبطه جت في الاكصدام ) لكن الشاهين جابت وش فانوس و شبكه ...
لكن قطع غيارها اعتقد اغلا كتير من الشاهين و الطلب عليها مش كبير .... وده سبب ان سعرها حاليا بقى كده في حين انها في وقتها كانت اغلا من الشاهين
اعتقد الفيليشيا كانت ب 40 الف في وقت كانت الشاهين فيه ب 34 الف ... والله اعلم الذاكره ممكن تخوني
الشاهين طبعا تكنولوجيا اقدم من الفيليشيا ( مبنيه على ال 131 ) وتصميمها اقدم
لكنها اكبر من الفيليشيا ومطلوبه اكتر و قطع غيارها متوفره ... وكفايه انها لسه تحت الانتاج
كعربيه افضل الفيليشيا .. لكن كأسعار و صيانه وسعر قطع غيار و اعاده بيع .. اكيد الشاهين تكسب
من العربيات الكويسه في الرينج ده .. سويفت - فيات اونو - كيا برايد ..
بس يفضل حضرتك تحدد طبيعه استخدامك للعربيه و احتياجك منها
وحضرتك شوف رأي الزملا برضو .. وبالتوفيق ان شاء الله
__________________
من تواضع لله رفعه The ultimate car would be designed by Italians engineered by Germans built by Japanese &
|