تقييمك لصالون العربية من جوة
انا الحمد لله ركبت عربيات كتير بحكم اني عايش في الخليج وبحكم ان كل الناس هنا معاها عربيات فأقدر انقل لحضراتكم بعض ملاحظاتي على الصالون الداخلي للعربيات .
ولأني طويل شويه وتخين شويتين فصالون العربية يا يريحني يا يقريفني
1- تيوتا كرولا 2008 العربية ده سوقتها مانيوال وكنت بركب فيها بالعافيه ومرجع الكرسي على آخرة ورافع الدركسيون فوق بس عربية تقييمي ليها ضيقة .
2- الدايو الانوس من 2002 و 98 من الامام جيدة بالنسبة للسائق بس الي جنب السائق ما بيبقاش مرتاح
3- الدايو النوبيرا : عربية محترمة جداً للسائق والي جنبة والي ورا
4- الشيفورليةالاوبترا : بحترمها جداً وبعزها جداً ومريحة من جوة سواء للسائق او الي جنبة
5- نيسان التيما - تيوتا كامري : مريحين طبعاً ومش هنتكلم عليهم
6- الهايونداي الانترا 2010 ده ماسوقتهاش بس ركتبها في المعرض واستغربت من وسعها مشاء الله عليها بجد واااااااااااسعه ومش عارف ازاي كده ورجعت الكرسي على آخره وطلبت من المدام تقعد ورا وفعلاً قاعدة ومرتاحة ورجليها مش خابطة في ضهر الي قدام .
7- تيوتا يارس : لم اركبها بس من منظرها ومن تجربتي مع الكرولا اتوقع انها زيها
8- شيفولية كروز : ركبتها تاكسي وياجماعة الله اكبر عليها والله كأني في عربية امريكي من حيث الوسع ومن حيث التكيف ولما اقول تكيف وانا في قطر يبقى تكيف.
9- الرينو الميجان : جيدة للي قاعد قدام وضيقة من الخلف جداااااااااااااااا
10- رينو كليو : عبارة عن علبة سردين امام وخلف
11- وبالنسبة للنيسان الباترول الباب الواحد الشبابية ضيقة جدااااااااااااااااا لدرجة ان الكرسي راجع على آخرة ورجلي خابطة في الطابلوه .
12 - وفي رينو مش فاكر اسمها بس كان اعلانها هي صحيح رهيبة بس ( مرة ما بطيرش - مرة ما بتمشيش في المياة - مرة ما بتمشيش على الحيط ) ... متوسطة للسائق والي جنبة .
13- الهوندا الاكورد ده الاجمل في فئتها من الكامري واللتيما والماكسيما كمان سواء من حيث الراحة وسواء من حيث الفخامة وجمال الطابلوه .
بصراحة في كمان عربيات ركبتها بس للئسف مش موجودة في مصر والي يعرفوها مش كتير اتمنى ان احسن عربيات تنزل في بلدنا مصر ونكون كلنا عربيات زيرو ونصدر عربياتنا القديمة للخارج حرام خليهم يركبوا برضه ....
وياريت الردود الي تضيف او تعدل تتفق او تختلف
|