رد: بيجو 505 استفسار من فضلكم ساعدوني
السلام عليكم ورحمة الله وبركاته
بعد التحيه :
اشكرك يباشا على الرد السريع والتوضيح الجميل
بس انا كان عشمي في التكيف حتى لو يبقى نص نص بس يبقى موجود احسن من الحر بيني وبينكم
والموضوع بتاع الفتيس خلاص مش مشكله والانجيكشن مش مركبهم
انا هروح ان شاء الله اول الاسبوع اشد العربيه هيه مش محتاجه شغل كتير يدوبك شويه حكات وكلام من كده يعملها وارشها وبس واشوف تابلوه طياره بالكنسوله بتاعه لان الي عندي شكله قديم بالكنسوله كمان واعمل الازاز كهرباء كمان علشان اركب روافع والكلام ده
حاجه كمان يباشا معلش اخر مقاس جنوط تنفع كام لان العفشجي قالي الجنط في العربيه دي بياثر على العشفه جامد هل ده صح ولا ايه ولو مش صح ينفع اركب ليها مقاس كام
لو تعرف سعر التكيف بتاعها والكنسوله كام والاقي الكلام ده فين بالظبط ويكون سعره مناسب ياريت تقولي اكون شاكر ليك ..
على فكره هيه كنبه مش كرسين في الي قدام كنت بفكر كمان اقلبها كرسين وانقل فرامل اليد في النص بدل مهيه على الشمال جمب الباب
متشكر للمره التانيه وفي انتظار الرد يباشا
|