[Horsepower]

السلام عليكم,
باشمهندس أحمد جزاك الله خيرا على الموضوع الرائع ده ,,, بعد إذنك عندي توضيح بسيط ,,,
بالنسبة لسؤال حضرتك الثاني (2 - ضغط ثابت مع تغير درجة الحرارة ؟؟!!!) ,,, الكلام ده سليم إلي حد ما ,,, الموضوع وما فيه إن إرتفاع الضغط داخل الإطار بسبب الحرارة ليس له علاقة لا بالنيتروجين ولا بالهواء العادي ,,, ده بيكون بسبب وجود بخار المياه إللي بيكون مصاحب للهواء داخل الإطار ,,, يعني لو قدرت تنفخ هواء جاف تبقى حليت المشكلة ,,, النيتروجين المضغوط نقي تماما من بخار ماء وهو ده الفرق ,,, طبعا مفهوم الفرق بين حجم المياه في حالتها السائلة والغازية ,,, المشكلة عندنا في مصر إن نسبة الرطوبة في الهواء عالية معظم أيام السنة.

سؤال حضرتك الثالث (- 3 - أن النيتروجين مضاد للصدأ !!!) ,,, النيتروجين فعلا من الغازات الخاملة التي لا تحترق ولا تساعد على الإحتراق ولا تتأكسد ,,, ودي حقيقة علمية.

سؤال حضرتك الرابع (- 4 - تجد من يقول بأن معدل تسرب النيتروجين من الإطار أقل من معدل تسرب الهواء !!!) ,,, التسريب المقصود هنا ليس تسريب من خلال تشققات أو قطع في الإطار ,,, المقصود تسريب الغاز من خلال مسامات الكاوتش نفسه مش بسبب وجود عيوب فيه ,,, و دي برضه حقيقة علمية لإن حجم جزيء النيتروجين أكبر من الأكسجين ,,, ولكن كل ده كلام نظري بحت وغير قابل للتطبيق على أرض الواقع ,,, الطريقة الوحيدة لمنع تسريب أي غاز من ضغط مرتفع لضغط أقل هي عن طريق تكوين غشاء غير منفذ للغاز من الجهة ذات الضغط المرتفع.

أخيرا أنا متفق مع الرأي إللي بيقول إن الفرق لا يذكر ولا يستحق السعي ورائه حاليا ,,, إلا لو النيتروجين توافر في جميع المحطات كدة ممكن أستخدمه.

شكرا لحضرتك مرة أخرى.