رد: برنامجى الانتخابى لرئاسة مصر
نظرا لاننا فى عصر الديموقراطية
وايماننا بحرية الترشيح والانتخاب
قررنا نحن تامر ( بالعند فى الناس الى مش عاوزة رئيسهم يبقى اسمه تامر )
الترشيح لرئاسة الدولة
واليكم برنامجى الانتخابى
1- الغاء العملة النقدية والرجوع الى عصر المقايضة ( الى عاوز سكر يروح يبدله بشويه رز )( علشان ماحدش يقول المرتبات قليلة )
2- الغاء المركبات والسيارات والقطارات وخلافه والرجوع للحمار كوسيلة مواصلات ( علشان خاطر ام بنزين 80 ده )
3- الغاء المساكن والعمارات والشقق والرجوع الى الخيم ( علشان مافيش اى عروسة هى واهلها تقلك عاوزين شقة على البحر وتكون 3 غرف على الاقل )
4- بالنسبة للتعليم الاكتفاء بالمرحلة الاعدادية فقط والغاء جميع مراحل التعليم بعد تلك المرحلة لان كله محصل بعضه ( علشان مافيش حد يقلك فى الانتر فيو انت مش نافع فى الوظيفة دى مع انك جايب تقدير ومعاك ماجستير ولغات وكمبيوتر )
5- الغاء الشرطة والاكتفاء بالجيش وشويه مخبرين ( علشان حبايبنا الظباط مايلقوش حد يطلعوا فيه عقدهم )
واخيرا
كلمة لكل واحد عاوز بكرة احلى وبيحلم بالتغيير ...
اتغطى كويس بليل علشان الجو برد
|