[mercedes]

المشاركة الأصلية كتبت بواسطة corsair وأصروا على الدخول على من تسببوا في اصابتها إلا أن أشقاءها رفضوا، فحصل تلاسن بالكلام ظن الأشقاء أنه مر بسلام. تفاجأ أشقاء الوافدة في مستشفى مبارك، برجال أمن يلقون القبض عليهم، ويقتادونهم إلى مخفر الجابرية، وعندما سألوا عن السبب تبين أن رجال المرور الذين صدموا أختهم سجلوا في حقهم قضية اعتداء بالضرب، كرد فعل على تسجيلها قضية في حقهم. وحسب مصدر أمني «احتجز أشقاء المصابة، وجار التحقيق في القضيتين». ويا تري بكره هنسمع ايه كمان يا حكومه عن المصري المتهان بره وجوه

السلام عليكم و رحمة الله و بركاته

بالنسبة للأخت الوافدة المصرية , اييييييييييه اللى خلاها تسوق عربيتها فى الكويت ولا تروح الكويت أصلا و هى ممعهاش الا الجنسية المصرية, طبعا غلطانة و ايه اللى يخلى أشقائها يشتبكوا مع الشرطة الكويتية و هما مالهومش ظهر و اللى مالهوش ضهر بينضرب على بطنه هو واللى خلفوه .

أنا بالنسبة لموقف الحكومة و الخارجية المصرية, فبعد مايخلصوا الشغل اللى فى ايديهم , هنلاقى واحد مصرى و أصلع و بكرش و لسه آثار الأكل حوالين بقه , طالع فى التليفزيون و عمال يمسح فى بقه, يقولنا أن ده حادث فردى مستحيل يأثر على العلاقات المصرية الكويتية اللى بتضرب بجدورها العميقة فى التاريخ و سلملى على التاريخ .

دى لو كانت أمريكية و لا معاها أى جنسية محترمة , كان الأمير مش عارف ايه بن مش عارف مين الصباح, راح زارها بنفسه فى المستشفى للوقوف على حالتها الصحية و على جودة الخدمات الصحية المقدمة اليها و برضه سلملى على أميركا .

يارب , يتم المراد بقه لحسن الواحد هيفرقع .

مرسيدس اس500