رد: مين اللي سرق مصر
بكل بساطة اللى سرق مصر هما المصريين, بسكوتهم على حقوقهم وعدم أدائهم لواجبتهم الا بالمعلوم, وزى ماقال الأعضاء الكرام ثقافة "الفهلوة" والضحك على الدقون بقت المحرك الأساسى لأغلبية الشعب.
شعب مش عارف ياخد أبسط حقوقه "الحرية", وبيقبل التغيير بصدر رحب, فى الأسعار المرتفعة والمرتبات المنخفضة طبعا, وعايش فى دور المغلوب على أمره ونسى أن حكومته هى جزء منه, وهو اللى معينها علشان تسير أموره, وخلى الكلام عنها تابو ممنوع, شعب راضى بالحاكم بتاعه بقاله 30 سنة, ده لو ملاك نازل من السماء يحكمنا مكنش قعد 30سنة.
اللى سرق مصر ونهبها هما المصريين, ومهما حصل والحكام أتغيروا المصريين مش هيتغيروا برضه هيتنهم ينهبوا فى مصر وينهشوا فيها, دى جيناتنا يا جماعة
أنا بحب مصر علشان الفوضى, أنتم بتحبوها ليه؟؟؟؟؟.
|