بص يا صاحبى وما تزعلش من التاخير
على العموم العربيات اليابانى عامة حلوة
انا معى شاريد 80 مشتريها من شهر يناير 2010 بمبلغ 10000 جنيه من صاحبها ( خرج بيت ) من تاجر ولا من السوق
العربيه بص على حالة الموتور الاول وبالتاكيد هتلاقى فيه تغييرات كثير ... بص برضه على دايرة التبريد وحالة الريداتير وهل محتاج تغيير ولا صاحبها عاملها تعديلات تبقى ذى الفيات
بص على جسم العربية وشوف كمية التخبيطات وهتحتاج قد ايه منك سمكرة ودوكو
قطع الغيار صعبة يمكن حبتين علشان انت عارف اليابانة قليل شوية وباذان الدايهاتسو
انا بقوللك الكلام ده عن تجربة والعربية معى لحد الان والحمد لله
اما بالنسبة للسعر فتاكيدا اكيد نزل شوية عن اول السنة يعنى فاصل مع صاحبها فى الف ولا الفين مثلا
وبالتوفيق
