[خالدخليفة]

انت مقلتش فين فى مدينة نصر لكن ماشى
هنعتبرك فى الحى السابع او السادس هتمشى حتى ذاكر حسين ثم تمشى ذاكر حسين حتى آخره زهراء مدينة نصر ستجد ميدان لف الصينية شمال ثم يمينا دخلت الطريق الدائرى امشى على طول سيقابلك نفق انزله كمل على طول حتى يقابلك كمين المرج كمل بعده وعينك على اليفط ستجد يافطة تقول اسكندرية الزراعى 1 كيلو عند هذه اليافطة ظبط نفسك وامسك اليمين لان فى رصيف طويل مسافته حوالى 300 متر لو عديته مش هتعرف تنزل عند الفتحة انزل يمين ثم لايمين ولاشمال حتى يقابلك كوبرى بنها العلوى انزل تحته ولاتعبر السكة الحديد وادخل شمال ان كنت متجه الى المنشية او العادلى او المحطة
واعبر السكة الحديد وادخل شمال ثم يمين ان كنت ذاهبا الى مناطق المستشفى او مستشفى الايمان او الاشارة او كفر الجزار
ان كنت فى الماظة او ارض الجولف فانك ستسير حتى دار الاشارة ثم تأخذ بدايةطريق السويس وتمشى كأنك متجها الى مدينة بدر او السويس سيقابلك كوبرى بعرض الشارع تمشى من تحته ثم كوبرى لايزال البناء فيه مستمرا امشى من جنبه ثم يقابلك كوبرى الدائرى بعرض الشارع امشى من تحته ثم يمينا لتطلع عليه ثم نفس الوصف السابق
المسافة حوالى 70 كيلو تقريبا