[Injection]

معلش يارجالة, أنا شايف أن المياه المقطرة ماتفرقش عن المياه العادية غير فى درجة النقاء بس, أنما هى فى فى الأول والأخر ميه ولو أتحطت مع حديد بتخليه يصدى, زى ميه الحنفية, الفرق أن مفيهاش المركبات والشوائب العجيبة اللى فى المياه العادية اللى بتترسب جوه الراديتير وممرات الموتور.

والمياه الخضراء أو الحمراء أو حتى الزرقاء كلهم بيبقى عليهم مانع للصدأ, ودرجة غليانهم بتبقى أعلى من المياه العادية وده بيضمن تبريد أحسن, وفى الدول الباردة ماينفعش أستخدام مياه عادية للراديتير لأنها هتتجمد, ولازم يستخدموا مياه خضراء أو حتى فحلقى, المهم يبقى فيها مركب من مركبات الجليكول علشان برضه درجة تجمدها أقل من المياه العادية.

والفروق بين أنواع المياه بتتضمن أن الأوروبى بينصحوله بأستخدام المياه الزرقاء, واليابانى بالمياه الحمراء, والخضراء عامة, وعلى فكرة المياه الخضراء سامة, والفروق بتبقى فى المركبات الكيميائية الموجودة على المياه, موانع الصدى, مضادات للحامضية, والمادة الداخلة فى تركيب المياه نفسها, ولو حضرتك عايزنى أقارنلك بينهم من عينيا بس هضطر أعمل شيرش علشان مش فاكر