المشاركة الأصلية كتبت بواسطة mercedes
السلام عليكم و رحمة الله و بركاته
أنا بس عاوز أقول لسيادتك حاجة بسيطة و هى أن هناك فرق بالنسبة لى كطبيب أنى أسافر أمريكا أو استراليا أو كندا أو أى دولة محترمة عشان أعمل ماجستير و دكتوراة , أو انى أسافر عشان أشتغل طبيب و أعالج مرضى هناك , الماجستير و الدكتوراة , دول عمل أكاديمى , مش معنى أنى معايا دكتوراة فى أى تخصص فى الطب من أمريكا مثلا , أنى أعالج المرضى هناك , حتة انى أحط ايدى على المريض هناك و اعالجه , يبقى لازم معادلة , ده طبعا مش موجود هنا فى مصر لأن هنا كله على بعضه , بطيخ على كنتالوب على منجه على قرنبيط مقلى .
أنا اللى خللانى مافكرش فى هجرة استراليا حاجتين , لأ تلاتة :
أن السواق ة عندهم عاليمين مش الشمال, يعنى زى انجلترا .
أنهم عندهم تحيز للبيض و بعض العنصرية ضد الملونين .
أن ماكنش واضح بالظبط , أنا ممكن بعد الاقامة هناك , هقدر آخد الجنسية امتى؟؟؟؟؟
مرسيدس اس430 |
أولا : يا باشا المعادلة بتتعمل للشهادة من اي دولة لاي دولة تانية حتى لو انت جايب شهادتك من اكسفورد والا ستانفورد هتيجي بيها مصر او هتروح بيها السعودية لاااااااااااااازم تعمل معادلة للشهادة سواء قبل ما تروح البلد اللي رايحها او بعد لما تروحها وتعملها في القنصليه
ثانيا انت لو عملت معادلة للبكالريوس وسافرت بيه وعملت الماستر هناك انت رايح ب 3 اهداف
الأول انك تكمل دراسة
التاني انك تشتغل
التالت انك تاخد جرين كارد
والتلاته بيتعملوا في نفس الوقت عدا العمل في وقت الدراسة المسموح ليك بيه 20 ساعه في الاسبوع وبسسسسسسسسسسسسس
ثالثا بعد لما تعمل المعادلة وتاخد الشهادة الأعلى من حقك انك تعمل في نفس الدولة خصوصا لو اخدت الجرين كارد لو مأخدوتش بطلع ترخيص مؤقت وبيتجدد كل فترة على حسب نظام الدولة
بالنسبة للناس اللي قلتلك عليهم في استراليا احنا تخصصنا علم نفس ، وشغلنا مع ذوي الاحتياجات الخاصة وانا وواحده منهم شغلنا في التوحد Autism وده من اصعب الاعاقات في العمل معاها واعادة التأهيل
هيا راحت هيا وجوزها
جوزها واخد اقامة مؤقته وبيجددها كل سنتين لغاية لما يخدوا الجنسية وشغال كويس جدا هناك
وهيا لان اللغة عندها تحت الصفر ومش عارفه تتعامل كويس هناك مشتغلتش ولان معاهم طفل ومحتاج رعايه هناك ولو راح مدارسهم يبقى هيقفد هويته بالتدريج ( وده العيب الوحيد اللي انا شايفه في السفر لدول غير اسلامية وغير عربية )