[nadenono]

المشاركة الأصلية كتبت بواسطة احمد على 1999 الحمد لله ان نص المشكلة اتحلت و ان شاء الله النص التانى قريبا الصراحة تحليل حضرتك منطقى بالنسبة لموضوع التكييف لانى الصراحة حاولت على google تانى و الحاجة الوحيدة إالى ليها علاقة بالتكييف هو السير أو شداد السير (ان وجد) فحضرتك جرب بمساعدة حد قاعد جوه و حضرتك باصص على مضخة الباور و يدور العربية و يتاكد من عمل الباور يمين و شمال و بعدين يشغل التكييف و حضرتك راقب فى لحظة تعشيق التكييف اى حاجة مش طبيعية (انزلاق السير مع ان حضرتك اكدت ان مفيش صوت بس برضه اتاكد بعينيك ) لان لو المضخة مستمرة بالدوران يبقى حاجة تحير - ساعتها نشك فى بقية التحليل بتاع حضرتك و بمناسبة موضوع الصوت الى قدام يمين مع المطبات الخشنة الصغيرة فده احتمال مجموعة الفرامل ( الدشمة او اللقم او الكاليبرز الى ماسكة اللقم لأن نفس الصوت عندى و هو ده السبب بس مكسل اعملهم) و فى النهاية احب اشكر حضرتك فى ثقتك الغالية

ربنا يديم المودة يا باشا... و بالنسبة لموضوع الصوت, لو عربية سعادتك آفيو, أحب أطمنك إن الفرامل بخير, بس أحب أواسيك إن الباقي أكيد فيه حاجة مش بخير, أنا قتلت هذا الموضوع بحثا و غيرت أجزاء كثيرة ولم أصل لشيء, بل إن أنا بالغت قليلا و ركبت عدد من السيارات الآفيو الأخرى ووجدت بها جميعا نفس العيب. و شهد بذلك جميع العفشجية الذين توجهت إليهم. عموما ربنا يسهل و حد يستجيب للجائزة اللي أعلنتها قبل كده .... ألف جنيه كاملة لمن يدلني على حل مشكلة هذا الصوت. و أنا هنا لا أطالب بأن يقوم الفائز بحل المشكلة بنفسه,,, ولكن المبلغ لمن فقط يدلني مجرد دلالة على الحل و سأقوم بنفسي بتنفيذه و تجربته و الإتصال بصاحب الحل فور تأكدي من نجاحه و ذلك عن طريق المنتدى و من ثم تسليمه المبلغ.

و مرة تانية شكرا ليك يا باشا على اهتمامك و وقتك