رد: سؤال محيرنى ياريت حد يرد عليا ,,, ؟؟؟؟
الرادياتير دورة مغلقة يعنى المية مبتنقصش و مافيهاش هواء غير الحبة الى فوق سطح مياه الاربة ودى فايدة اربة مياة الرادياتير انها تحمى اجزاء الدورة من الانهيار نظرا لاختلاف حجم الميه بين درجة التشغيل الطبيعية و عندما تبرد الدورة
اما ميه المساحات دى دورة مفتوحة يعنى الميه الى بترشها على الازاز لازم يدخل مكنها هواء يا إلا الاربه حتطبق
بعدين انا شاكك انها سليمة لان اربة المساحات لها زور طويل و ده لو اتملى لقمة الزور فهو يمثل كميه قليله و انت لما بتبص بعينك و تلاقى الزور فاضى فصعب تحكم بمجرد النظر هل فعلا الميه فى القعر
جرب املى القربة على الاخر بعد ما تركن العربية بالليل (يعنى مش حتتحرك لغاية الصبح) و اتاكد ان تحتها على الارض نضيف و يا سلام لو عرفت تحط ميه ملونة (فى سائل لبنى مخصوص للمساحات او مياه رادياتير خضراء مش حتضر )
و الصبح شوفها نقصت و لا لأ
لو نقصت اكيد فى تسريب حاول تتتبع مصدره - جرب برضه انفخ فى فتحة الاربه و شوف بتكتم و لا لأ
|