[mercedes]

السلام عليكم و رحمة الله و بركاته

أنا بقه حكايتى فى الرخصة , حكاية!!!!!!!!!!!!!!! .

الرخصة المصرية طلعتها سنة 1995 و دى كانت من مرور المنصورة و كنا فى الصيف , و أنا بعد مامتحنت النظرى و ماكانش بالكومبيوتر ولا حاجة , كان سؤالين بيسألهم المهندس و خلاص , قاللى استنى امتحان السواقة و فضلت مستنى , أنا كنت شايف أن فيه ناس بتمتحن قبلى , كل واحد على عربيته , أنا أول مانده اسمى , قمت رايح قاعد فى العربية بتاعتنا زى الباشا و كان المفروض أطلع بيها , قام اللى فى الكشف بعدى من غير مايتنده عليه , لقانى ماطلعتش , قام رايح هو على العربية بتاع المرور و راكب و سايق و ممتحن و نجح كمان - بدالى - و اللى بعده امتحن على أنه هو اللى بعدى و هكدا , لحد ماخلص الناس و أنا لسه مامتحنتش , قومت قولت للمهندس , بس أنا مامتحنتش , قاللى ايه؟؟؟؟ , طاب شوف كده يمكن أنا نجحتك ؟؟؟؟!!!!

و بالفعل , لقيتنى نجحت و طلعت رخصة أيام ماكانت الرخص عبارة عن ورق و بيتغلف قبل الرخص اللى بالكومبيوتر بتاع اليومين دول .

والله كانت أيااااااااااام .

الرخصة التانية بقه اللى طلعتها من كندا , طبعا مافيهاش ريحة الكوسة و لا حتى نقطة صلصة .

مرسيدس اس430