[hassanshokrof]

المشاركة الأصلية كتبت بواسطة SMSM RACE بص ياباشا فى الاول زى ما الاعضاء افادوك انك كنت لازم تعمل صيانه 1000كم وعادى جدا انك تروح اى توكيل لكيا حتى لو عربيتك خليجى دى مفهاش مشكله كل الموضوع انه بيزود نسبه على العربيات الخليجى انا معايا سيراتو زيك ورحت عملت صيانه 1000كم و 10.000 كمان اولا انت مابتقلهمش اعملوا حاجه فى العربيه انت اول ما بتدخل التوكيل بيقولولك عايز ايه هاتقلهم صيانه 1000 بس هيسألوك ليك اى شكوى تانيه تقولهم على موضوع التكيف ده وبعدين هايستلموا منك العربيه وحضرتك هاتستنى فى الاستراحه لحد ماتخلص التوكيل احسن فى ايه بقى؟ سؤال مهم اولا انت لو تفتكر وانت داخل قولتلهم صيانه 1000 بس هما بقى عملوا ايه؟ 1/حطوا المكنه والفتيس لو عربيتك ماتيك على الكمبيوتر لكشف اى خلل 2/بيربطوا عفشه العربيه كلها 3/بيكشفوا على اى سوائل فى العربيه (ماء الريداتير والمساحات ...الخ) وبيزودها من نفسهم 4/بيغيروا الزيت وفيلتر الزيت ويستحسن انك تكون قايلهم 10.000 بدل مايحطولك 5000 ويمشوروك على الفاضى كل 5000كم 5/الكشف على كوالين البيبان والكابوت والشنطه (عشان لو تقال فى القفل ولا حاجه) 6/الكشف على الانوار 7/هايعملولك اى حاجه انت اشتكيت منها وقولتيلهم عليها 8/مش فاكر ايه تانى بس هما 12 حاجه ملحوظه: مافيش حاجه اسمها لمبه الزيت تنور فى الطابلوه عشان تغير الزيت. حضرتك تظبط trip بتاع العربيه على 10.000 وكل 10.000 تروح تغير زيت وفيلتر ياريت تكون استفدت وترحم عربيتك شويه ههههههههههههههههه لو عوزت اى حاجه تانى اسأل وانا معاك

السلام عليكم
استاذ سمسم ممكن تحدد اخر مرة دخلت بعربيتك الخليجي التوكيل كان من اد ايه والتوكيل اللي فين لان بيقال ان التوكيل معدش بيقبل العربيات الخليجي