[miam0502788391]

المشاركة الأصلية كتبت بواسطة هشام ماهر شكرا يادكتور محمد علي الأفاده عذرا لو كنت بثقل عليك كنت عاوز حضرتك ترشحلي أحسن أماكن للصيانه من حيث الكفاءه والسعر المناسب [ ميكانيكي و كهربائي أبواب ] ومحل لبيع قطع الغيار و كنت عاوز أشتري الفبر ال في الباب الشمال الخلفي طبعا بالمنصوره وأرجو المساعده من حضرتك في معرفه مواعيد الصيانة الدورية والتغيرات المطلوبة لعربية هيونداي اكسل 95 وكل كام كيلو المفروض اغير القطع الضرورية فى العربية سواء كهرباء أو ميكانيكا أو عفشه وعذرا أخي علي الأطاله جزاك الله كل خير وأرضاك في الدنيا والأخره وأثابك الجنه

والله انا من بلقاس يا استاذ هشام بس انا اتعامل مع عفشجى فى شارع عبد السلام عارف بعد محل العطارة فى شارع جانبى اسمه مصطفى العفشجى
ممكن ابقى اسألك على واحد كهربائى كويس قريب من مستشفى الصدر
بتاع ابواب فيه واحد وانت جاى اخر شارع النخلة ( من ناحية مستشفى الصدر) وتمشى على طول فى شمال هتلاقيه على يمينك
قطع الغيار بتاعة الهيونداى احسن واحد هو عادل وديع اللى فى الحسنية ( شارع حسين بيك) بعد الجامع
ده افضل واحد فى اسعار قطع الغيار والحاجات المضمونه وعن تجربة وفيه فى آخر الشارع على اديك اليمين موزع معتمد لغبور بيبيع قطع غيار اصلية
الحاجات اللى تتغير فى العربية ده حسب استعمالك والاستهلاك ونوع الحاجة هل هى اصلية ولا تقليد

وأهلا بك وجزاك الله خيرا على الدعاء