رد: كل شئ عن الديفيل.
لو عايز صوت كويس فيه حلين:-
الأول تركب فلتر هواء أسبور بدل الفلتر الأصلى, وده الحل اللى أنا بفضله لأنه هيرفع السحب ويخلى صوت العربية رياضى مع الضغط على البنزين, والأسعار بتبدأ من 60 للصينى الى 450 فيما فوق للحاجات الأصلية.
التانى أنك تروح لواحد بتاع شكمانات وتخليه يشيل علبة البيئة ويحط ماسورة بدالها, وأنا مبفضلش الحل ده لأنه فى الغالب هيخلى صوت العربية عالى جدا, أكيد سمعت صوت العربيات اللى بتمشى فى الشارع وصوتها بيصحيك من النوم, والحل ده هيدى زيادة بسيطة فى الأداء, بس عامة أنصحك تجرب الحل الأول قبل ده.
بس أوعى تسيب أى حاجة عند الراجل بتاع الشكمان, أوعى تكون سبت العلبة القديمة, حاجات العربية الأصلية غالية جدا وخصوصا علبة البيئة, الراجل هيحطها على جنب علشان ينسيك ,خدها وأديله مصنعيته وأمشى.
|