[sad-bird]

المشاركة الأصلية كتبت بواسطة noura_taman يا جماعة ما حدش يفهمني غلط من عنوان الموضوع والاقي بقة العرسان بتتقدم رغم ان الجواز دلوقتي مابقاش بالساهل .. لأ ده عنوان المسلسل الشهير الذي تعرضه معظم القنوات المحلية والعربية بطولة الفنانة الرائعة هند صبري وفعلا أجادت هند في تجسيد شخصية الفتاة التي فاتها قطر الزواج وبالتالي بدأ يظهر على شخصيتها من عوامل تخلف وفقد الثقة بالنفس .. ولكن المسلسل ده كان اصله وبدايته لمدونه شهيرة بنفس ذات الاسم لكاتبة الصراحة أخذتني خفة ظلها وقد تم تحويل هذه المدونة الى كتاب بنفس الاسم ايضا (موجود بالمرفقات ) وفعلا اول مرة اضحك من كتاب او كلمات مكتوبة مش مشهد او كلمة سمعتها ده كلام وانا أقراه وقد اضحكني كثيرا بالفعل اسلوب الكاتبة غادة عبد العال وطريقتها في وصف عرسان الغفلة الذين تقدموا لها .. لكن يا جماعة والله رغم الاسلوب الساخر في سرد الحوار والحكايات الا ان المؤلفة حرصت تماما الا ترضى باي من العرسان المتقدمين لها في سبيل محاربة العنوسية والشبح اللي بيطاردها في نظرات الناس والمجتمع ... السؤال هل ان شبح العنوسية ممكن يكون سبب في ان يجعل اي بنت ترضى باي جوازة والسلام؟؟ بس عارفين ربنا يستر على الجيل القادم الحكاية والله ما هي حكاية بنات اكتر وولاد اقل اعتقد ان الموضوع متمثل في الحالة الاقتصادية ولا ايه؟؟ عايزاكم تقوليلي رأيكم بعد تحميل الكتاب في المرفقات ونعرف مع بعض ايه اللي ممكن يسبب العنوسة ايضا في مجتمعاتنا

السلام عليكم
يسعدني ان اكون اول من يرد على هذا الموضوع
والرد في الطريق بس قلت الحق احجز دور في الطابور قبل اي حد تاني
ههههههههههه