رد: بعض الاستفسارات
ممكن تستخدم شامبو لغسيل السيارات و فى نوع حلو ورخيص اسمه رابيدو انا بجيبوا من كارفور
بتنضف العربية من التراب اللى عاليها وبعد كدة بتحط شوية ماية2 لتر مثلا على 2 مقدار غطا علبة الشامبو
وتغسل العربية بالشامبو بفوطة فيبر وبعد كدة تشطف العربية كويس بماية بس خلى بالك حتحتاج ماية اكتر بكتير فى الشطف علشان الشامبو مايكنش ليه اثر وبعد كدة تنشفها بفوطة نضيفة حتلاقيها بقت بتبرق لان الشامبو داخل فيه شمع وبالتالى بيعطى للعربية لمعة حلوة
......................... ........
الكاوتش بقى الكلام فيه كتير
احلى حاجة بالفوم وحتلاقى منها منتجات كتير فى كارفور بس عيبه انه مكلف يعنى علبة الفوم حتلاقيها فى حدود 30 جنيه وفى نفس الوقت شوارعنا وحشة جدا فا حيرجع لونه يبهت تانى
........
وفى حاجات تانية الناس بتستخدمها زى ماية بسكر ... اه ماية بسكر ويتحط فى بخاخة وترش على الكاوتش حيعطيه لامعة
وفى حاجة تانية علبة حاجة ساقعة سيفين اب وتدعك بيها الكاوتش بسفنجة وطبعا ماتغسلش الكاوتش بمية علشان اللمعة ماتروحش
وفى حاجة تالتة الصنايعية بيعملوها بيجيبوا قطعة من كاوتش قديم ويسيحوها بالتنر ويفضل يقلب فيها ويقوم حاطط عليها شوية بوية سودا صغيرين و ويقوم ماسك فرشة ويقوم مظبط بيها الكاوتش
وفى طريقة تانية تجيب كيس بريل بتاع غسيل الاطباق وتحطه على سفنجة وتفتدع بيه الكاوتش بدون ماء ولا حتى بعد الدعك بتسيبه ينشف و بعد فترة لما بتيجى تغسل الكاوتش بيرجع شكله حلو ونضيف والطريقة دى كويسة بردو
.............
بالنسبة للمعة بتاعت الجزم مش عملية وساعتين تلاتة وحتلاقى الكاوتش رجع زى الاول
واخيرا كل الطرق دى مش بيتغسل الكاوتش بعديها علشان تفضل اللمعة
|