رد: عايزة أشتري عربية بالتقسيط في حدود .... ساعدوني
الماروتى عربية ممتازة جدا و بتاعة شغل و حمالة قسية ( اعرف واحد معاه ماروتى و بيسافر بيها الغردقة 3 مرات اسبوعيا ) . بس اللى يعيبها هو ضعف الكماليات و ضيق الكنبة ، انما غير كده ممتازة و مريحة فى سواقتها و سهلة فى الركن و قطع الغيار رخيصة جدا .
ممكن برده اللى فى نفس سعر السبارك و عربية فيها كل الاوبشنز و موتورها جبار بالنسبة لحجمها ، الاسبرانزا ال 113 ، العربية دى فعلا محترمة اوى و مش زى ال 516 فيها عيوب تقفيل ، و يقال ان العربية دى من احسن موديلات اسبيرانزا من حيث الجودة .
و الاتوس عربية فوق الممتازة و فيها تكيف و باور ، و ممكن الحاجات التانية دى انتى تركبيها بره .
و فى كمان السوزوكى سيلاريو ، عربية يابانى 100%100 ، بس سعرها 55 الف جنيه و فيها باور و تكيف بس ، انما الكاملة بس 64 الف تقريبا .
انا ارشح لحضرتك الاسبيرانزا عربية فعلا ممتازة و ماقابلتش حد اشتراها الا وشكر فيها ، و ان شاء الله ربنا يوفقك فى الاختيار الانسب ليكى ؛
|