رد: ** أوقفوا نزيف الأسفلت !!!!!!!!!!! **
أنا شايف أن مشكلة المرور ليس لها حل على الأطلاق الا بكارثة, ليتم أعادة تأسيس البنية التحتية للبلد من أول وجديد.
وحتى لو طبق القانون, كيف سيطبق والطرق لا تصلح لتطبيقه, لاتوجد حارات وحتى الحارات الموجودة مصممة بشكل غبى جدا, أما ضيقة أو واسعة, ده غير الحارات اللى بتنضم على بعضها مرة واحدة زى طريق حدائق القبة.
وأشارات المرور التى لاتعمل, والعساكر الغلابة , والظباط والسواقين المتربيين على الفساد مش ممكن يتغيروا أبدا, ده غير البلاعات والنقر والمشاة اللى بيشاركوا العربيات فى عبور الطريق.
البلد كانت كده على طول سواء فى السواقة أو الطرق, بس مع زيادة عدد الناس والسيارات زاد الأحساس بحجم المأساة.
وهو ده سبب أن الحكومة عمالة تركب فى رادرات وتاخد مخالفات, لأن مش ممكن هيصرفوا مليارات على الطرق والظباط والمرور عامة, مايشتروا رادرات بألوفات وخلاص والباقى فى جيوب البشوات.
ورحمة الله على شهداء الطريق, فى الماضى وفى المستقبل, أدخلهم الله فسيح جناته.
|