المشاركة الأصلية كتبت بواسطة rh_kamel
الف الف شكر يا دكتور تامر عل رد حضرتك
انا من محافظة بعيدة فى جنوب مصر ومسافر إن شاء الله القاهرة الاسبوع القادم لشراء سيارة و أحد العوامل اللى بختار بيها السيارة لى بعد المبلغ المتاح لى هو توافر قطع الغيار لها فى محافظتى ولا لا فعندنا لا يوجد قطع غيار متوفرة إلا للشاهين والدوجان والفيات 31 - 32 - والبيجو 504
لذلك خايف اشترى السويفت واتعب فى صيانتها وقطع غيارها وقطع اليابانى دائما غاليه
لذلك إنشاء الله هاركز على الدوجان بس ياريت تقولى يا دكتور نصائحك لى فى الشراء علشان انا رايح سوق الجمعة وفى البلد عندى بيخوفونى وبيقولولى خلى بالك واوعى يتنصب عليك وعلى فكرة فى واحد صاحبى اكتر من اخ وهو من القاهرة وهايقف معايا فى الشراء علشان دى اول مرة فى حياتى اشترى عربية وللعلم انا لسة متعلمتش السواقة يعنى خام خالص فياريت تنصحنى اعمل ايه واخلى بالى من ايه
وشكرا
|
السويفت قطع غيارها متوفرة وصيانتها سهلة جدا بلا مشاكل وقطع غيارها رخيصة
وجود شخص خبير معك عند الشراء من سوق الجمعة مطلب ضرورى ويجب فحص السيارة جيدا
راجع موضوعنا (كيفية فحص سيارة مستعملة بقسم الصيانة والمكتبة الفنية)