[nadenono]

المشاركة الأصلية كتبت بواسطة alialy صباح الخير عليكو اية الى انتا كاتبة دة اكيد انتا بتسمع كتير اعرفك باننى عندى افيو وزى الفل بس فيها عيب واح وهو زيادة لفات الموتور ولاكنة لا يؤثر كتير على السيارة انتا شركتها بدون مبرر اسة كل العيوب دة انتا بينك وبين الافيو اية انا عايز اعرف نوغ عربينك

يا أستاذ علي أنا مش باسمع,, أنا عندي آفيو 2009 و عندي زيادة لفات موتور و عندي المساعدين بتضرب و غيرتهم 3 مرات في التوكيل و كانوا خارين زيت و كان عندي عيب الطنابير و صلحته على حسابي و عفشة العربية بتخبط من الجانب الأمامي الأيمن جامد و لم يتمكن التوكيل حتى يومنا هذا من حل المشكلة و المقصات و الجلب بتزيق جامد و برضه لم يتمكن التوكيل حتى يومنا هذا من حل المشكلة أيضا و الباب الأمامي الأيمن بيعمل صفارة بعد سرعة 100 كيلو في الساعة و أنا عملت مسح شامل لكل من يمتلك السيارة من جيراني و أصدقائي و أهلي و زملائي في العمل ووجدت ان العيوب دي عامة لدرجة ان كان جاري هو مساعد مدير أمن المحافظة و العربية الشرطة اللي بتاخده آفيو و سألت سواقها و برضه أشتكالي من نفس المشاكل... يا أخ علي أنا مش بيتهيألي و لا باتهم منصور بدون مبرر و دي مش أول عربية زيرو باشتريها و كمان أنا باشتغل مهندس صيانة يعني فاهم كويس أنا باقول ايه و عايز أفهمك ان العيوب اللي أنا ذكرتها لا تظهر إلا باستعمال السيارة باستمرار و ليس بمجرد الفرجة عليها بالمعرض أو ركوبها في مشوار كتاكسي و كمان اللي بيختار عربية بيختار معاها وكيلها اللي هو منصور و اللي هو ماطلعش على قدر المسؤلية
و أحب أفهم سيادتك ان انا مافيش حاجة وحشة لا سمح الله بيني و بين السيارة أو التوكيل و لكن انتمائي للمنتدى و أعضاؤه و إحساسي بالمسؤلية تجاه من يتصفح المنتدى للبحث عن معلومة عن السيارة يحتم علي أن أقول رأيي بأمانة و هو ما سيجنبهم بالتأكيد سوء الإختيار
و زي ما قلت قبل كده اننا المفروض ذوقيا إننا مانلومش على أي زميل عضو في المنتدى يشتكي من عربيته و عيب اننا نتهكم عليه... المفروض اننا نحاول نساعده و إذا كان هذا متعذرا فنحن مطالبون بدعمه نفسيا على الأقل و الإستفادة من تجربته
و أخيرا أرجو منك أن تحمد الله على أنك من القلة اللي مظهرش معاهم عيوب كتير في السيارة و راضيين عنها بس ربنا يسهل و يدوم رضاك و ماتظهرش معاك عيوب جديدة.