المشاركة الأصلية كتبت بواسطة mohamed ellithy
ياباشا انا سجلت مخصوص علشان موضوع التكيف ده
انا عاوز اركب تكيف فى عربيتى
امتلك 128 1100سى سى ولو انا هغير المتور ممكن اغير بنفس المتور بس 1300 ولا اغير برجاتا 1500
والنوع التانى ده اللى بيشتغل بالكهربه اكتر ده هيحتاج منى تغير المتور برده ولا ايه
بالله عليك فدنى علشان انا بسيح من الحرررررررررررررررررررررر ررررررررررررررر
وابعتلى التلفونات والعنوين وانا ممكن اتصل واستفسر
|
128 وماتور 1100 سي سي مينفعش خالص الناس كلها بتقول يركب فعلان يركب لكن العربيه مش هتشغل حلو وتلاقي نفسك بتلف وتدور حولين نفسك وتقول يا خسارة فلوسي يا ريت مركبت تكييف لكن لو عاوز الصح
هتغير الماتور 1100 سي سي وتبيعه وتجيب ماتور 1300 سي سي تقريبا بيقولو لانشا بيركب مكانه من غير اي تقويات ولا تغيير في قواعد الماتور
ولو عاوز الافضل يبقي ماتور الريجاتا 1500 سي سي يبقي افضل وافضل
نيجي بقي نوضح نقطه صغيره ليه الماروتي 800 سي سي ويركبلها تكييف وال128 1100 واربعه سلندر مش 3 ومركبلهاش نفس التكييف
اقولك وزن الماروتي اقل بكتير من وزن ال128 وعزم الماتور بيكون كبير فالماتور اللي هيجر 650 كيلو غير الماتور اللي هيجر 1400 كيلو لان 128 وزنها اكبر بكتير من الماروتي ففرق عزم الماتور بيروح في جر فرق الوزن بتاع العربيه وهيا فاضيه لزلك بتاع التكييف المحترم يطلب منك تركب ماتور اعلي
اما بالنسبه لشركه التكييف اللي بتعامل معاها اسمها
ساندن لتكييف هواء السيارات
ده في المعادي الجديده 63 سارع النصر
دور في دليل التليفونات علي النت هيجيبلك ارقامهم والراجل صاحب المكان اسمه المهندس سمير 0100009751 قوله انا من طرف اياد بتاع الماروتي الدهبي واسئله وشوف رده ايه بجد الراجل ده محترم جدا وعن تجربه اعضاء كتر في الموضوع ده اسئله بس السؤال مش هيخسرك كتير
وده رئيي بأمانه وعن تجربه
ولما تركب التكييف ادعيلي
المشاركة الأصلية كتبت بواسطة caboo_2021
سوالى لحبيب الناس
انت متركب عندك اى اجهزة على الكرابراتير يعنى بتاع التكيفات ركبلك جهاز على الكربراتير انا الرجل بتاع التكييف مركب واحد عندى قال علشان لما تشغل التكييف العربية مش تبطل ومحسش بفرق كبير ودة لما التكييف بيشتغل بيعلى العربية سنة صغيرةالسوال الثانى حرارة العربية اية اخبارها بتسخن ولا لا وهل فية فرق معاك فى الحرارة قبل التكييف وبعدة ولا هى هى
|
هوا في الاول مركبش غير التكييف فقط
ومره كن رايح له اشرب معاه الشاي ويظبطلي شويه حاجات كده قالي فيه مكنه اسمها فاكيوم ده بتعلي العربيه لما يخشلها كهرباء ممكن نركبهالك مع التكييف اول ما التكييف يشتغل العربيه تعلي ولما يبطل العربيه توطي للطبيعي بصراحه الفكره عجبتني لاني كنت بعمل الموضوع ده برجلي بالبنزين وانا واقف في اشاره وكمان بتخلي لفات الماتور تزييد فشحن الدينمو يزيد فيكيفي التكيف والنور والكاسيت فكان الباطاريه بتشحن كويس لكن لاحظت في الايام الحر الشديده اللي فوق 40 ان العربيه بتسخن جامد وتعدي النص وبتقرب من الشرطه قبل الاخيرة فكنت بخاف وابطل التكييف ومره فكيت الفاكيوم وجربت لقيت العربيه مش بتسخن ورجعت ريمه لعادتها القديمه وبقيت ازود بنزين برجلي
ولما ايام الحر مشيت رجعت السلكه تاني
بالنسبه لسخونه العربيه مفيش فرق والتكييف شغال ولا لا بالعكس لما التكييف بيشتعل العربيه بتبرد أكتر لان المروحه بتكون شغاله اكتر فالعربيه مبتلحقش تسخن
لكن بصراحه في ايام الحر الشديد وفي الظهر من 11 الي 3 العربيه بتولع ولما بتكون كمان ماكينه الفاكيوم شغاله فبريح دماغي وبفصلها علشان تهدي من الماتور فبالتالي ميسخنش اكتر لكن من بعد العصر مفيش اي سخونيه تزكر
وانا اسف علي الاطاله في الرد لكن انا حبيت انقل تجربتي بالتفصيل علشان الكل يستفيد ومحدش يدوخ زي ما انا دوخت ولفين لاني بجد تعبت لحد ما فهمت الحاجات ده
وكل سنه وانتم طيبيين بمناسه شهر رمضان الكريم