المشاركة الأصلية كتبت بواسطة عصام غنايم
الموضوع بسيط اوى
ركب جنوط 15 خفيفه ( الومنيوم خفيف + ريش قليله ) عرضه 7 بوصه رمز ال ET بتاعه لا يقل عن 35 ودى اهم حاجه علشان الثبات ومتضرش العفشه
ركب كاوتش 195\50\15 كومهو كورى رمز سرعه v 82 موديل (Kumho Ecsta SPT ( KU31
وطبعاٌ متنساش الرنجات وتبقى الومنيوم وتكون محكومه اوى ( بتركب كبس )
وتنفخ العجل على ضغط 30 علشان تستريح فى المطبات
وطبعاٌ اهم ما فى الموضوع الترصيص
ترصص على ماكينه كومبيوتر وتحط رصاص لصق جوه وبره
طبعاٌ كل الكلام اللى قولتهولك عن تجربة مئات المرات وكل الانواع فكده بديلك الخلاصه
جرب وادعيلى
ومستنى رأيك
وسلام مؤقت
|
منور يا ابو فارس
عاش من شافك
عندي ليك سؤال و ارجو الاجابه بعد اذنك بخصوص الجنوط برضه
انا ركبت طقم جنوط تايلاندي و رصصت علي جهاز قديم (كان جهاز بمؤشر و شكله قديم) و رصصت الرصاص اللصق اللي بتقول عليه من جوه بس
لاحظت ان العربيه فوق ال100 الدركسيون بيترج جامد
قمت مركب رينجات و عملتها تيفلون و راكبه كبس زي ما حضرتك بتقول
و جربت العربيه اصبحت الرجه اخف من الاول
هل معني كده ان الترصيص كان وحش؟؟؟؟
فيه واحد صاحببي قالي ان الجهاز اللي رصصت عليه مش مضبوط و قديم و رصص عند واحد تاني بس خليه يحط رصاص عادي من جوه و بلاش اللزق دا
هل الكلام دا صح؟؟
و هل لما ارصص الكاوتش تاني الغربله اللي في الدركسيون حتنتهي بأذن الله؟؟
معلش طولت عليك في الاسئله و كل عام و انتم بخير