[خالدخليفة]

تسلم ايدك ياعلوة بجد
بس تحذير صغير
لازم وانت بتسمع هيكل تحترس منه وتفهم
انه
كان الصحفى الأوحد فى عهد عبد الناصر
وان عبد الناصر كان لايثق الا فيه وكان مقرب ليه جدا
وانه من اكبر المستفيدين من عهد عبد الناصر
وان كل خطابات عبد الناصر الثورية الحنجورية كان هو اللى كاتبها
وانه كان هو والسادات اصحاب ولحد مابعد الحرب واخفاء السادات لكثير من الاسرار عنه رغم انه كان من اكثر الناس فى مصر علما باسرار الدولة مما ادى لبداية خلافه مع السادات وابتدا يكتب كتابات تعمل نوع من التهييج الشعبى ضد معاهدة السلام وخوف السادات ان اسرائيل تتلكك ومتديلوش سينا فحبسه وخرج ناقما عليه و على عهده وزوغ على قطر
وفضل هناك لحد اليو م بييجى على مرات متباعدة لحد ابنه م عمل بيزنس مع جمال مبارك واسسو شركة للاو راق الماليه فى البورصة وكلكم اكيد سمعتو عنها او عارفينها وهيا شركة هيرمس للاوراق المالية والاستثمار فى البورصة فابتدا يستقر هنا ولكن لانه له راى فى مبارك فبقى يقول كلام موارب كتير بسبب بيزنس ابنه
يعنى بالبلدى
حبيب عبد الناصر جدااااااااااا حتى النخاع
كاره للسادات جدااااااااااااا لانه لغى دوره اللى كان فى عهد عبد الناصر واستبدل بدلا منه موسى صبرى وتحول من الصحفى الأوحد لصحفى زى اى صحفى
محافظ على بيزنس ابنه مع جمال مبارك
واما الاوراق ونصوص المخطوطات والحركات القرعة اللى بيجيبها واللى شفتها انا فى كام كتاب من كتبه فانا وبعد البحث
اكتشفت انه بيجيبها بطريقة ولاتقربو الصلاة يعنى بيجيب المخطوطة ويعرض الكلام بالطريقة اللى تؤيد كلامه ولايأتى بباقى المخطوطة لانها هتثبت كذب ادعاءاته
كان لموسى صبرى رأى جبار فيه وهو ان هيكل يكذب كما يتنفس
عموما اشكرك على المجهود وانا كنت متابع الحلقات دى على الجزيرة كل جمعه بعد الصلاة لحد م اتخذت قرار بمقاطعة هذه القناة ذات التوجهات واللى قرارها مش من مجلس ادارتها وانما من فوق شوية عن المجلس
وحبيت انوه التنويه ده علشان اى حد هنا يسمع الحلقات يبقى عنده فكرة عن طبيعة شخصية هذا الرجل وبالتالى يسمع وهو فاهم
وانا بعد م عرفت هذا الكلام كان عندى كتب له زى
مدافع آيات الله
الانفجار 67
سنوات الغليان
حرب السويس (حرب ال30 سنة)
كنت قريتها ولما قريتها تانى وانا فى ذهنى هذا الكلام اكتشفت وفهمت المعلومات بطريقة تانية