[Eng . Mano]

العربية مع واحد صاحبى جربتها يومين معاه و كانت هاى لاين اعلى فئة .
موتورها بصراحة مافيش بعده ، من اقوى و اشد المواتير اللى شوفتها فى حياتى ، سحبه فوق الرائع ، صوته ناعم استجابته عالية جدا .
ثبات فوق الممتاز ، كنت باخد بيها غرز على 130 و 140 و العربية ماتحركتش من على الارض .
عربية بتاعة شغل بجد ( روحنا بيها من القاهرة لطنطا ، و من طنطا روحنا القاهرة تانى و باليل روحنا بيها الساحل الشمالى ) ، و ماقالتش لأ .
الفتيس الستيبترونيك بجد تحفة و مريح جدا و عملى جدا جدا .
بس بجد عربية محترمة فى شكلها و امكانياتها و فى محركها و فى كل حاجة و ربنا يبارك لاصحابها فيها .