رد: رحلة صيانه 1000 للنيو اكسنت
المشاركة الأصلية كتبت بواسطة mahmooud135
لاء انا بقول التوكيل رائع لعده اسباب انى انا معايا اسبرانزا وتعامل مع ابوالفتوح والمعامله هناك سيئه جدا جدا اما بالنسبة غبور فالعمله جميلة جدا بالنسبه لابوالفتوح بس
|
هقول لحضرتك مش رائع ليه لما تكون شاري عربية ثمناها قارب على 100 الف جنيه و دافع دم قلبك فيها و مستلمتش ضمان العربية لحد دلوقتي يبقي مش رائع بالرغم من انك مستلم العربية من شهرين
لما تكون بتعمل صيانة فى العربية عبارة عن تربيط عفشة و تشيك على المياه و مستوي الزيوت و تقعد من 9 صباحا الى خمسة مساء و حتي الملاحظة الي انت قلتها على العربية متتعملش مع ان الحاجات دي تعملها بره فى نص ساعة بعشرين جنيه مش 160 جنيه يبقي مش رائع
لما تسال على الضمان بتاع العربية و يتقال لك كلام غريب عمرك ما هتسمعه فى اي حته تانية بتحترم عملائها ذي احنا هنروح من بعض فين هو انت قلت على حاجة فى العربية و احنا قلنا لا و كلام غريب تاني ذي اصل الضمان فى المطبعة اصل العربية جاية من غير ضمان اصل الضمان على السيستم كلام مش ممكن يتقالك لو انت جايب مكوة او خلاط مش عربية و تقولي رائع سيدي الفاضل للاسف الشديد خدمة ما بعد البيع فى مصر بصفة عامة و ليست لدي غبور وحده تحتاج لوقفة اسف على الاطالة و ارجو ان تتفهم وجه نظري و على فكرة كل صيانة العربية قبل كده كانت عند ابو غالي و على فكرة اكثر من رائع بالمقارنة بغبور
__________________
اللهم احفظ مصرنا الحبيبه من الفتن ماظهر منها وما بطن اللهم ولِي علينا خيارنا ولا تولِي علينا شرارنا اللهم احفظ شعبها من كل سوءٍ وشر يا رب العالمين اللهم يسر أمرنا وفرج كربنا وأرزقنا نعمة الامن والامان والاستقرار
اللهم أكتب لمصر وأهلها الخير حيث كان وكيف كان اللهم اجعل مصر سخاء رخاء وسائر بلاد المسلمين اللهم ارنا الحق حقا و ارزقنا اتباعه و ارنا الباطل باطلا و ارزقنا اجتنابه
|