المشاركة الأصلية كتبت بواسطة د.محمود صلاح
ممكن معلومات عن السيارة دى ؟ هى داخلة دماغى جدا لأن سعرها معقول وقوة وأداء وكفاية انها بى ام دبليو ( موديل من 91 الى 97 على ما اعتقد )
1- هل تجميع محلى ؟ هل المانى ؟
2- هل بها فرامل ABS وايرباج ؟
3- هل بها مرايات كهرباء
4- فتحة سقف كهربائية ام يدوية ؟
5- العمر الافتراضى للموتور بتاعها كم ؟
6- لمذا دايما اسمع ان متسقط لها موتور ؟ هل يه عيب فى المواتير الأصلية ؟
6- هل صيانتها لازم فى التوكيل ام ان هناك ورش شغالة فى البى ام ؟
.... واى معلومات قد تفيد عشاق البى ام و
شكرا ptmnlo123per1127
|
- هل تجميع محلى ؟ هل المانى ؟
التجميع فيها معظم اللي موجود في مصر هنا الماني .. دي مافهاش مصري
2- هل بها فرامل ABS وايرباج ؟
كماليات .. اوبشنز الناس الي اشترتها علي الزيرو كان ممكن تخترها .. دور علي موديلات اعلي من 95 هاتلاقي فيها
3- هل بها مرايات كهرباء
اكيد طبعاً
4- فتحة سقف كهربائية ام يدوية ؟
كهربائيه معظم الموديلات الي نزل فيها فتحه سقف
5- العمر الافتراضى للموتور بتاعها كم ؟
الام فورتي (قبل 1994) عمره الافتراضي قليل شويه مقارنه بالموتور الام فورتي ثري .. (سنه 94/95 مكانش فيه مفتاح مشفر .. اعلي من 95 مفتاح مشفر و موتور ام فورتي ثري علي طول
6- لمذا دايما اسمع ان متسقط لها موتور ؟ هل يه عيب فى المواتير الأصلية ؟
تسقيط الموتور غالباً بيبقي تركيب موتور 6 سلندر بعفشته .. الموتور الاصلي بيبقي 4 سلندر
تسقيط الموتور في الموديلات ال4 سلندر بيبقي يأما موتور 318 اي اس و ده 1800 اتنين كامه 140 حصان او بيبقي تغير موتور الي نفس الموتور لان الموتور الاولاني كان خفيف او فيه شغل .. العمره فيه مكلفه و عاوزه صنايعي فاهم شغله .. فبيلجأو الي التسقيط اكتر
6- هل صيانتها لازم فى التوكيل ام ان هناك ورش شغالة فى البى ام ؟
فيه ناس شغاله في البي ام و ساعات بنجيب صنايعيه التوكيل خارج التوكيل يصلحوا ..
حازم : مافيش فيها 3500 سيسي .. 1600 1800 2000 2500 2800 3000 3200
1600 و 1800 ده 4 سلندر عادي
1800 فيه منه اتنين كامه
2000 و 2500 ده فيه منه بلوك زهر موديلات لحد 1995 و بلوك الومونيوم بعد 95
فيه2500 تشووكد اسمه و ده عياره عن بلوك 2500 و مانيفولد صغير
2800 مش مستحب علشان البلوك الالومونيوم